తెలుగువారికంటూ ప్రత్యేకంగా ఉండాలని మనవాళ్ళు తెలుగు డిగ్,తెలుగు ట్విట్టర్,తెలుగు సాంఘిక సంపర్క జాలములు మొదలైన వాటిని చేసారు. ఇంటర్‌నెట‌ను సమర్థంగా వినియోగించుకొనే భారతీయుల్లో తెలుగువారే ఎక్కువ అని నా అభిప్రాయం.(ఇది నా అపోహ కాదుకదా?) అయినా తెలుగు వారికోసం చేసిన,చేస్తున్న ఇటువంటి ప్రత్యేకమైన సైట్స్ పొందాల్సినంతగా ఆదరణ పొందుతులేవేమో అనేదే నా భావన.

చాటింగ్ రూమ్‌లలో తెలుగువాళ్ళే ఎక్కువ అన్నాడో మిత్రుడు. “మరైతే తెలుగువారికోసమే ప్రత్యేకంగా ఎందుకు ఒక చాట్ రూం ఉండొద్దు?”
వెంటనే ఒక చాట్ రూమ్ ను తయారు చేసాను. దానికి తెలుగు చాట్ అని పేరు పెట్టా.ఇది కూడా కొంత ప్రజాదరణ పొందితే? తెలుగువాళ్ళకు వీలయినప్పుడల్లా కలిసి కబుర్లు చెప్పుకుంటే? ఎంత బాగుండు? అని అనిపించింది.

ఈ చాటింగ్ రూమ్ ను ఎవ్వరైనా ఎక్కడైనా పెట్టుకోవచ్చు. అక్కడినుంచే మాట్లాడవచ్చు. ఎక్కడో తన బ్లాగ్ లో బ్లాగుతున్న మరో మిత్రుడు స్పందించవచ్చు.
మరొక సదుపాయమండోయ్..మీరు ఏదో ఒక పేరుతో లాగ్ ఇన్ కావచ్చు. రిజిష్ట్రేషన్ గట్రా లేవు. అందుకే ఇది ఏర్పాటు చేసా. బాగుంటే మీరూ దీన్ని, మీ బ్లాగ్ లో/సైట్ లో చేర్చండి.
అది ఇలా ఉంటుంది. దీన్ని ఒక సారి పరీక్షించి చూడండి. మీకు నచ్చుతే మీరూ దీన్ని చేర్చుకోండి..దీని కోడ్ గట్రా కావాలంటే…

http://www.99chats.com/room_127955

అన్నట్టు దీన్ని మన టూల్ బార్ లో కూడా చేర్చానండోయ్..

మిత్రమా !

మన తెలుగుపరిశోధన సైట్‌ను ఆధునీకరింతామనుకుంటున్నాము. అయితే ఇప్పటివరకు పుస్తకాలను అందించడమే ఇక్కడ జరుగుతున్న పని. అదీ ఫోరం రూపేణ. కొంతమంది సభ్యులు ఈ ఫోరం పద్ధతి బాగు లేదని,మార్పులు చేయమని అడిగినారు.

అందుకే అందరికీ నచ్చే పద్ధతుల్లో మార్పులు చేర్పులు చేద్దామనుకుంటున్నాము. దాదాపు మన సభ్యులు మూడు వేలకు దాటి ఉన్నారు. మీకు ఈ సైట్ చూసినప్పుడు “ఇలా ఉంటే బాగుండు, ఇవి చేరిస్తే బాగుండు” వంటివి అనిపించే ఉండవచ్చు. అటువంటివి మాకు చెబితే మేము వాటిని ఒకదగ్గర గుదిగూర్చి, ఒక పద్ధతిలో ఏర్పాటు చేసే ప్రయత్నం చేస్తాము. మన తెలుగు భాషా సాహిత్య సంస్కృతుల ను కాపాడుకోవడానికి, భావితరాలకు అందించడానికి చేస్తున్న ఈ
సేవలో మీ వంతు మాట సహాయం, ఆలోచనా సాయం చెయ్యండి.

మీ అభిప్రాయాలను http://bit.ly/survey-2010 లో తెలుపండి. మీ అభిప్రాయాలు ఎంతత్వరగా వస్తే మా పని అంత వేగంగా ప్రారంభమవుతుంది. దయచేసి ఒక కొద్దిసేపు తీరిక చేసికొని స్పందించరూ?

మీ స్పందనల కోసం నిరిక్షిస్తూ…

తెలుగు పరిశోధన బృందం